Presentación
A Mancomunidade de Ordes leva xa tempo traballando nunha estratexia conxunta de todos os seus concellos para artellar estratexias conxuntas para que o turismo da nosa comarca se converta nunha fonte de promoción e de ingresos para as nosas xentes.
Pero unha boa planificación turística non se forma so tendo unha imaxe conxunta, unha plataforma web de promoción e uns folletos de promoción, todo isto é parte do que as institucións podemos e de feito xa temos en marcha, outro dos piares que deben soster esta estratexia é a implicación do sector privado na creación de produto turístico e na definición de obxectivos e sinerxías entre o propio sector e tamén coas diferentes administracións, e así é como o vemos desde a Mancomunidade de Ordes, por iso poñemos en marcha este proxecto que pretende formar ás nosas empresas do sector turístico.
A Academia de Turismo conta cunhas “Clases maxistrais” nas que contaremos cun importante plantel de formadores, todas estas persoas contan unha ampla experiencia en cada un dos subsectores do turismo.
o que precisas para saber
Como participar
Como puideches ler, hai dous xeitos de participar, presentando unha candidatura á ser unha das empresas mentorizadas na Academia e outro dos xeitos e asistindo ás Clases Maxistrais que se impartirán e das que podes ver o programa nesta mesma web.
solicitude empresa mentorizada
Se queres participar como unha das 10 empresas que serán mentorizadas, debes cubrir esta solicitude, esta solicitude non supón que a túa idea ou proxecto sexa seleccionada, se non que será avaliada e seleccionada pola dirección da academia, despois da análise da mesma, para o cal é probable que che solicitemos mais información e incluso se concerte unha entrevista:
Clases Maxistrais
Programa
A estas masterclass poderán asistir as empresas mentorizadas, pero tamén calquera outra persoa que o desexe, xa que serán RETRANSMITIDAS ONLINE
Se o que queres é participar nas clases maxistrais, no programa poderás acceder a información de cada unha delas e tamén poderás realizar a solicitude de admisión, xa que serán prazas reservadas. Para estas accións terán prioridade as persoas con domicilio na Comarca de Ordes, podendo participar xente da mesma, sempre e cando non se cubran as prazas.
As accións serán impartidas por persoal capacitado e con grande experiencia, sendo estas as accións que se realizarán:
31/10/2023
Xornada de exemplos de Boas Prácticas
Empresas locais
Neste momento da formación cremos necesarios poder coñecer empresas que expoñan os seus casos de éxito e contan a súa experiencia en aberto a outras empresas e emprendedores que lle poidan expoñer dúbidas en tempo real.
Lugar:
Viveiro de empresas de Cerceda
Horario:
Luns, ás 17.00h
14/11/2023
Atención ao cliente online
Fernando Rodríguez de la Torre
Nestes novos tempos é tan importante a boa atención presencial como a atención por medio de medios tecnolóxicos, por iso nesta formación se informará das ferramentas mais adecuadas para este fin como pode ser Whatsapp, Messenger, as ferramentas de E-mail marketing, e como usalas, en canto autorespondedores, tempos de resposta, solucións de crises, etc. Tamén se tratará a xestión desta atención nas Redes Sociais.
Lugar:
Concello de Oroso (Aula CeMIT)
Horario:
Martes, ás 17.00h
16/11/2023
Barista
Alberto Pita
Esta formación vai dirixida a persoas que estean cara o público, sendo o seu obxectivo principal certas normas básicas de recepción e atención ao cliente baseadas nos protocolos da chamada cultura do detalle.
Lugar:
Bar Salón, Ordes
Horario:
Xoves, ás 17.00h
21/11/2023
Comercialización de produtos online
Miguel Silvarredonda
Cada vez mais o de estar preparado para a venda a domicilio é mais importante para a venda no sector do turismo, por iso é moi importante estar ao día das ferramentas que nos fan chegar aos clientes e que permiten tanto o pago a distancia como a realización de encargas.
Lugar:
Concello de Oroso (Aula CeMIT)
Horario:
Martes, ás 17.00h
27/11/2023
Xestión de restaurantes, conservar mellor para gañar máis
Miguel Silvarredonda
Para todos aqueles establecementos que ofrecen comidas ou tapas é de grande interese saber o desperdicio que teñen certos produtos e incluso certos cortes ou preparacións, o obxectivo desta formación é aprender a facer un bo escandallo dos produtos dun prato, aplicando nel todos os custes necesarios tanto de produto como de outros derivados, ao mesmo tempo que coñeceremos técnicas de conservación de produto que alongarán a vida dos mesmo e polo tanto a rendabilidade.
Lugar:
Mercado Municipal de Ordes
Horario:
Luns, ás 17.00h
Coñece aos
Expert@s
Quen e?
Alberto Pita
É profesor de hostalaría e turismo da Xunta de Galicia e da Junta de Castilla y León, ademais ten unha importante traxectoria no asesoramento para a montaxe de locais de hostalaría focalizado na rama de restaurante, bar e cafetería, recibindo varios premios nesta especialidade, habitualmente participa en accións formativas para empresas do sector.
Quen e?
Fernando Rodríguez de la Torre
Diplomado en Ciencias Empresariais pola UDC, é Técnico Especialista en Marketing e prosgraduado en Comunicación Empresarial.
Na actualidade é director na axencia de publicidade Con C de Comunicación, profesor no Máster de Marketing Dixital da USC e director de BriefingGalego.com, portal de referencia do sector do márketing e a publicidade en Galicia.
Na actualidade é director na axencia de publicidade Con C de Comunicación, profesor no Máster de Marketing Dixital da USC e director de BriefingGalego.com, portal de referencia do sector do márketing e a publicidade en Galicia.
Quen e?
Miguel Silvarredonda
É profesor de cociña da Xunta de Galicia, ademais de colaborar en diferentes departamentos de i+d de empresas punteiras do sector alimentario e de asesorar na montaxe de restaurantes por todo o mundo. O seu labor docente tamén o aplica en diferentes accións formativas relacionadas co mundo da alimentación.
Cada un dos mentores que se lle asigne a cada empresa acordará as datas e tempos de duración das xuntanzas de mentorización entre os meses de setembro a decembro do presente ano, tamén acordarán coa empresa si a reunión é presencial ou a distancia.
Ao final da mentorización realizarase un acto de presentación dos proxectos mentorizados, co fin de dalos a coñecer.
Contacto
© Mancomunidade de Concellos de Ordes