Igrexa de Santo André de Meirama

Dirección

Rua Pazo, 6, 15188 Meirama, A Coruña

Lugar: Meirama.

Parroquia: Santo André de Meirama.

Denominación: Igrexa parroquial de Santo André de Meirama.

Cronoloxía: Século XIII (ábsida).

A igrexa rural de Santo André de Meirama é outro dos templos de orixe románica do concello de Cerceda, aínda que hoxe a conservamos transformada debido a remodelacións posteriores.

O seu estado actual é bo, xa que pasou por unha restauración no ano 1986. A sinxela disposición dos elementos arquitectónicos é a mesma que atopamos noutros exemplos da zona.

Posúe planta rectangular cun pequeno corpo engadido na cabeceira dun lateral, a sancristía. Unido a ela, construído con posterioridade, aparece un pórtico lateral sostido por piares de madeira. A única nave sepárase do presbiterio, que ten forma cuadrangular, por medio dun arco triunfal. Os muros de carga son de cantería e a cuberta a dúas augas de tella curva. Cómpre mencionar a presenza de cemento en moitas partes da construción, consecuencia desas remodelacións xa citadas. Na fachada, como é habitual, prima a sobriedade, seguindo o esquema de porta, van e espadana en pedra labrada, os dous primeiros rectangulares e lixeiramente moldeados e a última dun arco e rematada en cornixa coroada por unha cruz e pináculos con bólas nos extremos.

Localización

Travelers' Map is loading...
If you see this after your page is loaded completely, leafletJS files are missing.

COMPARTE!

Share on facebook
Share on twitter
Share on linkedin
Share on whatsapp
Share on telegram
Share on email

RECURSOSRELACIONADOS

Scroll to Top