Brañas de Valga

Brañas de Valga

Os viaxeiros que se acheguen ata as terras de Mesía teñen unha cita obrigada coa Aula da Natureza ‘Brañas de Valga’. O edificio está situado nunha antiga barreira de extracción de arxila recuperada como lagoa naturalizada. A actividade provocou un profundo oco no terreo que, pouco a pouco, se foi enchendo de auga, converténdose nunha lagoa. Este lugar foi acondicionado con pasamáns, áreas de descanso, pasarelas e un firme adecuado para poder realizar un itinerario de observación arredor da lagoa. A aula da natureza e o museo compóñense das seguintes salas:

Exposición sobre o medio natural das brañas

Está composta por paneis interpretativos con abundante información sobre diferentes aspectos naturais das brañas e a fauna e flora das zonas húmidas.

Aula taller-laboratorio

Esta aula é un pequeno laboratorio para realizar estudos e experiencias prácticas. Presenta unha capacidade orixinal de 40 participantes.

Aula de olería de Galicia

Esta sala acolle unha ampla exposición das catro olerías existentes en Galicia. Conta con varios paneis explicativos e un gran número de pezas de barro.

Museo da arxila

Conta con mostras de cerámica, mostras de aplicacións da arxila e unha serie de paneis sobre a historia da cerámica en Galicia, as técnicas de elaboración de diferentes produtos cerámicos etc.

Máis información na páxina web: www.aulanatureza.concellodemesia.es

Localización

Travelers' Map is loading...
If you see this after your page is loaded completely, leafletJS files are missing.

COMPARTE!

RECURSOSRELACIONADOS

Scroll to Top