Os días 20, 22, 27 e 29 de outubro de 2026, o CEIP Castelao de Ordes acollerá unha serie de obradoiros de habilidades sociais, dirixidos ao alumnado de 5º e 6º de Educación Primaria.
Esta actividade ten como finalidade favorecer o desenvolvemento das habilidades sociais dos nenos e nenas, fomentando valores como o respecto, a empatía, a cooperación e a convivencia positiva.
A través destes obradoiros procurarase potenciar a comunicación, o traballo en equipo, a resolución pacífica de conflitos e a capacidade para establecer relacións saudables cos demais, contribuíndo ao benestar emocional e social do alumnado.
Información da actividade
- Datas: 20, 22, 27 e 29 de outubro de 2026.
- Lugar: CEIP Castelao de Ordes.
- Destinatarios: Alumnado de 5º e 6º de Educación Primaria.
- Actividade: Obradoiros de habilidades sociais.
A iniciativa está promovida polo Concello de Ordes e a Mancomunidade de Municipios da Comarca de Ordes, coa participación do servizo de prevención de drogodependencias e a colaboración da Xunta de Galicia, a través da Consellería de Sanidade e da Dirección Xeral de Saúde Pública.