Reproducir vídeo
Share on facebook
Share on twitter
Share on linkedin
Share on whatsapp
Share on telegram
Share on email

Video Promocional

Constituída polos concellos de Frades, Cerceda, Ordes, Oroso, Mesía, Tordoia e Trazo, a nosa mancomunidade é a máis antiga de toda Galicia, aglutinando na actualidade a máis de 38.000 habitantes. Dende 1976 vimos demostrando que a unión de esforzos e medios entre administracións é o mellor xeito para optimizar recursos, aforrando custos e ofrecendo solucións efectivas ás necesidades da poboación.

A Mancomunidade de Municipios da Comarca de Ordes ofrece a posibilidade de dar un paseo pola Galicia auténtica de tradicións e costumes centenarios. O/a visitante poderá coñecer recunchos e lugares naturais onde a historia e o paso do tempo son os encargados de tallar as formas que os compoñen. Arquitectura, gastronomía, paisaxe, museos, roteiros, folclore e moito máis é o que conforma cada un dos sete municipios que constitúen esta comarca. E entre todo iso algo a destacar, o Camiño Inglés. Un trazado que dende hai séculos permite que milleiros de peregrinos con destino a Compostela deixen a súa pegada nestas terras.

As nosas hortas, os nosos montes e ríos son fértiles cunas dos alimentos máis saborosos e saudables, que a restauración da comarca prepara cun agarimo tradicional.

Aquapark, roteiros, ríos e montañas xunto coas modernas instalacións dispoñen entornos idílicos para o desenvolvemento das actividades deportivas e de lecer.

As Desordes Creativas, o teatro, a música e a artesanía definen unha comarca cun profundo espírito artístico, que brota en cada recuncho e que te convida a que veñas a desfrutalo.

Scroll to Top