Que é?
O Centro de Información á Muller (CIM) é un servizo da Mancomunidade de Ordes que ofrece información xurídica, atención psicolóxica, información sobre os recursos existentes na zona e calquera outra actividade que poida mellorar a igualdade entre homes e mulleres na comarca de Ordes (Cerceda, Frades, Mesía, Ordes, Oroso, Tordoia e Trazo). Un asesoramento confidencial e gratuíto en todas as áreas.
Actuacións
- Na área psicolóxica: atención psicolóxica en casos de depresión, ansiedade, maltrato, baixa autoestima, dificultades coa parella, apoio de grupo a persoas afectadas por enfermidades crónicas…
- Na área xurídica: información e asesoramento sobre separación, divorcio, impago de pensións de alimentos, vivenda, custodia, malos tratos, réximes matrimoniais, prestacións sociais, pensións, herdanzas….
- Na área de recursos: información sobre recursos para a conciliación da vida laboral e familiar, axudas para as vítimas de violencia de xénero, formación, actividades de tempo libre…
