QUE É?
O obradoiro de emprego “Mancomunidade de Ordes V” é un programa mixto de emprego e formación dirixdo a mellorar a ocupabilidade das persoas desempregadas, subvencionado pola Consellería de Emprego, Comercio e Emigración e promovido pola Mancomunidade de Ordes. Ten unha duración de 9 meses e formará a 20 alumnos/as traballadores/as, aos que se lles van impartir os certificados profesionais de Instalación de Elementos de Carpintería (MAMS0108) e Pintura Industrial en Construción (EOCB0311)
O Obradoiro de Emprego desenvólvese nos seguintes espazos:
- As sesións formativas ordinarias de aula, así como o traballo do persoal docente, directivo e administrativo ten lugar na Praza de Abastos de Ordes.
- A parte formativa práctica realízase nos diferentes concellos da comarca de Ordes.
OBXECTIVOS
O principal obxectivo dos obradoiros duais de emprego é mellorar a ocupabilidade das persoas participantes mediante a realización de obras e prestacións de servizos de interese xeral e social.
ACTUACIÓNS
As actuacións que se van realizar no obradoiro “Mancomunidade Ordes V” son:
Rehabilitación da estación de ferrocarril de Trasmonte no concello de Oroso.
Rehablitación do local social de Oa no concello de Trazo.
Construción e instalación de mobiliario urbano e interior para os concellos da comarca de Ordes
