Resultados provisionais das probas Celga 2020
O prazo de reclamacións remata o 30 de novembro.
Convocatoria de cursos de linguaxe administrativa galega e cursos preparatorios para os Celga, que se realizarán en distintos períodos e en varias escolas oficiais de idiomas de Galicia
https://www.xunta.gal/dog/Publicados/2020/20200812/AnuncioG0534-040820-0002_gl.pdf
Corrección de erros: https://www.xunta.gal/dog/Publicados/2020/20200821/AnuncioG0534-140820-0001_gl.pdf
O prazo para a presentación das solicitudes abranguerá desde o día 2 ata o 11 de setembro de 2020, para os cursos do primeiro cuadrimestre (outubro-xaneiro); e desde o 15 ata o 21 de xaneiro de 2021, para os cursos do segundo cuadrimestre (febreiro-maio).
Obradoiro de lingua galega (xincana lingüística)
O SNL da Mancomunidade de Ordes vai impartir un obradoiro de lingua galega para nenos e nenas, mediante a interacción con eles e elas a través dunha actividade tipo xincana lingüística, de xeito lúdico e educativo, que consta de varias partes, nas que nenos e nenas competirán divididos en dous equipos, e que se desenvolverán en función do tempo, do espazo físico e do material co que contemos:
- Carreira de obstáculos. Instalaremos un pequeno circuíto duns metros de distancia no que terán que correr sorteando diversos obstáculos. Cada neno/a que complete o percorrido conseguirá 1 punto para o seu equipo.
- Toque ao medio. Cada equipo debe situarse en lados opostos dun terreo. Sae 1 de cada grupo, toca co pé no medio (que estará delimitado) e volve correndo á súa casa. O/a neno/a que chegue antes conseguirá 1 punto.
- Pasa a bóla e golpea. Por quendas, terán que pasar a pelota co pé e cada vez que o fagan ben deben dicir un termo en galego relacionado co deporte (sen poder repetir). Cada resposta correcta dará 1 punto.
Cada 5 puntos, terán que resolver unha pregunta sobre deportistas galegos/as, unha pista ou definición, unha adiviña ou unha pregunta relacionada cos deportes e o léxico deportivo. Gañará a xincana o equipo que máis acertos acumule ao final de todas as probas.
OBXECTIVOS
- Estimular nas xeracións máis novas actitudes favorables que se traduzan nun uso xeneralizado do galego
- Favorecer o uso da lingua galega nas actividades lúdicas
- Ampliar as habilidades de comunicación oral en lingua galega
- Relacionar a práctica do deporte co uso do galego
- Fomentar o coñecemento de palabras relacionadas co campo léxico do deporte
- Coñecer os/as principais deportistas galegos/as
POBOACIÓN DESTINATARIA
Nenos e nenas dos primeiros cursos de primaria (de 6 a 12 anos)
PERIODIZACIÓN
Xullo-agosto 2020
Convocatoria de probas para a obtención dos certificados de lingua galega, niveis Celga 1, 2, 3 e 4 (2020)
Prazo para a presentación das solicitudes: ata o 16 de xuño de 2020.
O Servizo de Normalización Lingüística (SNL) da Mancomunidade de Ordes organiza a actividade ‘Rosalía e as nosas Letras’, unha acción colectiva a través da rede social Facebook para celebrar conxuntamente o Día de Rosalía, 24 de febreiro (no que se conmemora o seu nacemento), e o Día das Letras Galegas, 17 de maio.
OBXECTIVOS
O obxectivo fundamental é dar a coñecer a obra de Rosalía (e/ou doutro/a escritor/a das nosas Letras) arredor desas datas tan significativas, para o cal creamos un evento en Facebook onde o alumnado dos centros educativos da comarca poida compartir versos da escritora (un audio ou vídeo no que aparezan recitando) ou de calquera outro/a ao/á que se lle conmemorara o 17 de maio (non ten por que ser exclusivamente poesía). Os premios (para os que contamos coa colaboración da SXPL da Xunta de Galicia) decidiranse e daranse a coñecer en canto finalice o concurso, dependendo do número de participantes e da valoración dos audios e/ou vídeos en canto a orixinalidade e esforzo (teranse en conta o número de gústames).
Pretendemos, asemade, estimular nas xeracións máis novas actitudes favorables que se traduzan nun uso xeneralizado do galego.
POBOACIÓN DESTINATARIA
Alumnado de Primaria e Secundaria dos centros educativos da comarca (concellos de Cerceda, Frades, Mesía, Ordes, Tordoia e Trazo).
METODOLOXÍA
O SNL da Mancomunidade de Ordes vai contactar cos ENDL dos centros educativos solicitándolles a súa colaboración para a difusión e a participación do alumnado na iniciativa.
Os audios e/ou vídeos deberán ser colgados no evento do Facebook creado para a ocasión (Rosalía e as nosas Letras 2020), indicando o centro educativo e o curso ao que pertence o alumnado participante, desde o 24 de febreiro, Día de Rosalía, ata o 17 de maio, Día das Letras Galegas.
PERIODIZACIÓN
Febreiro-maio 2020.
Resultados definitivos das probas para a obtención dos certificados de lingua galega, niveis Celga2 e Celga 4 (novembro 2019)
Convocatoria de cursos de lingua galega preparatorios das probas para a obtención dos Celga 2020
https://www.xunta.gal/dog/Publicados/2020/20200129/AnuncioG0535-170120-0001_gl.pdf
O prazo para a presentación das solicitudes é de 15 días, contados a partir do 30 de xaneiro.
Este ano haberá cursos de teleformación para preparar Celga1, Celga2, Celga3 e Celga 4.
https://sede.xunta.gal/detalle-procedemento?codtram=PL600A&ano=2020&numpub=1&lang=gl
Ademais, o SNL da Mancomunidade organizará e impartirá un curso de 40 horas de preparación do Celga 4, que terá lugar desde principios de marzo ata principios de maio, en dúas sesións de mañá á semana, os luns e os xoves de 10:00 a 12:30 horas. O prazo para inscribirse remata o 21 de febreiro.
Resultados provisionais das probas para a obtención dos certificados de lingua galega, niveis Celga2 e Celga 4 (novembro 2019)
O prazo de reclamacións remata o 14 de xaneiro.
Convocatoria de probas para a obtención dos certificados de lingua galega, niveis Celga 2 e 4 (novembro 2019)
Prazo para a presentación das solicitudes: ata o 1 de outubro de 2019.
Ademais, o SNL da Mancomunidade organizará e impartirá unhas sesións de preparación de Celga2 e Celga4, de 20 horas de duración, que terán lugar desde o 8 de outubro ao 7 de novembro, os martes e xoves de 10:00 a 12:00 horas. O prazo para inscribirse remata o 3 de outubro.
Convocatoria de cursos de linguaxe administrativa galega e cursos preparatorios para os Celga, que se realizarán en distintos períodos e en varias escolas oficiais de idiomas de Galicia
https://www.xunta.gal/dog/Publicados/2019/20190820/AnuncioG0534-070819-0002_gl.html
O prazo para a presentación das solicitudes abranguerá desde o día 2 ata o 11 de setembro de 2019, para os cursos do primeiro cuadrimestre (outubro-xaneiro); e desde o 30 de decembro de 2019 ata o 10 de xaneiro de 2020, para os cursos do segundo cuadrimestre (febreiro-maio).
Resultados definitivos das probas para a obtención dos certificados de lingua galega niveis Celga 1, Celga2, Celga3 e Celga 4 (2019)
Resultados provisionais das probas para a obtención dos certificados de lingua galega niveis Celga 1, Celga2, Celga3 e Celga 4 (2019)
O prazo de reclamacións remata o 29 de xullo para Celga 1 e Celga 4.
O prazo de reclamacións remata o 7 de agosto para Celga 2 e Celga 3.
Obradoiro de lingua galega (xincana lingüística)
O SNL da Mancomunidade de Ordes vai impartir un obradoiro de lingua galega para nenos e nenas, mediante a interacción con eles e elas a través dunha actividade tipo xincana lingüística, de xeito lúdico e educativo, que consta de varias partes, que se desenvolverán en función do tempo, do espazo físico e do material co que contemos:
- Carreira de obstáculos (na que obterán sílabas coas que formar os nomes de 12 deportes)
- Encesta a bóla (onde terán que resolver crebacabezas ordenando sílabas e letras de léxico deportivo…)
- Pasa a bóla (onde terán que resolver xeroglíficos relacionados co deporte)
- Xogos populares (como o brilé, o pano…)
OBXECTIVOS
- Estimular nas xeracións máis novas actitudes favorables que se traduzan nun uso xeneralizado do galego
- Favorecer o uso da lingua galega nas actividades lúdicas
- Ampliar as habilidades de comunicación oral en lingua galega
- Relacionar a práctica do deporte co uso do galego
- Fomentar o coñecemento de palabras relacionadas co campo léxico do deporte
POBOACIÓN DESTINATARIA
Nenos e nenas dos primeiros cursos de primaria (de 6 a 12 anos)
PERIODIZACIÓN
Xullo-agosto 2019
Convocatoria de probas para a obtención dos certificados de lingua galega, niveis Celga 1, 2, 3 e 4 (2019)
Prazo para a presentación das solicitudes: ata o 25 de abril de 2019.
Convocatoria de cursos de lingua galega preparatorios das probas para a obtención dos Celga 2019
https://www.xunta.gal/dog/Publicados/2019/20190219/AnuncioG0535-060219-0001_gl.pdf
O prazo para a presentación das solicitudes é de 20 días naturais, contados a partir do 20 de febreiro.
Este ano haberá cursos de teleformación para preparar Celga1, Celga3 e Celga 4.
Ademais, o SNL da Mancomunidade organizará e impartirá un curso de 40 horas de preparación do Celga 2, que terá lugar desde finais de marzo ata finais de maio, en dúas sesións de mañá á semana, os luns e os xoves de 10:00 a 12:30 horas. O prazo para inscribirse remata o 22 de marzo.
O Servizo de Normalización Lingüística (SNL) da Mancomunidade de Ordes organiza a actividade ‘Rosalía e as nosas Letras’, unha acción colectiva a través da rede social Facebook para celebrar conxuntamente o Día de Rosalía, 24 de febreiro (no que se conmemora o seu nacemento), e o Día das Letras Galegas, 17 de maio.
OBXECTIVOS
O obxectivo fundamental é dar a coñecer a obra de Rosalía (e/ou doutro/a escritor/a das nosas Letras) arredor desas datas tan significativas, para o cal creamos un evento en Facebook onde o alumnado dos centros educativos da comarca poida compartir versos da escritora (un audio ou vídeo no que aparezan recitando) ou de calquera outro/a ao/á que se lle conmemorara o 17 de maio (non ten por que ser exclusivamente poesía). Os premios (para os que contamos coa colaboración da SXPL da Xunta de Galicia) decidiranse e daranse a coñecer en canto finalice o concurso, dependendo do número de participantes e da valoración dos audios e/ou vídeos en canto a orixinalidade e esforzo (teranse en conta o número de gústames).
Pretendemos, asemade, estimular nas xeracións máis novas actitudes favorables que se traduzan nun uso xeneralizado do galego.
POBOACIÓN DESTINATARIA
Alumnado de Primaria e Secundaria dos centros educativos da comarca (concellos de Cerceda, Frades, Mesía, Ordes, Tordoia e Trazo).
METODOLOXÍA
O SNL da Mancomunidade de Ordes vai contactar cos ENDL dos centros educativos solicitándolles a súa colaboración para a difusión e a participación do alumnado na iniciativa.
Os audios e/ou vídeos deberán ser colgados no evento do Facebook creado para a ocasión (Rosalía e as nosas Letras), indicando o centro educativo e o curso ao que pertence o alumnado participante, desde o 24 de febreiro, Día de Rosalía, ata o 17 de maio, Día das Letras Galegas.
PERIODIZACIÓN
Febreiro-maio 2019.
Desde o 2 de xaneiro de 2014, a Mancomunidade de Ordes conta novamente co Servizo de Normalización Lingüística, ao abeiro da convocatoria da Deputación da Coruña do programa de subvencións a concellos e outras entidades locais da provincia da Coruña para creación ou mantemento dos servizos lingüísticos durante o ano 2014, ademais da subvención concedida por parte da Secretaría Xeral de Política Lingüística da Xunta de Galicia segundo a resolución do 7 de xullo de 2014 ao abeiro da convocatoria regulada na orde do 4 de abril de 2014. A súa finalidade fundamental é fomentar o uso e o prestixio da nosa lingua mediante accións que garantan a normalización da lingua galega en todos os ámbitos dos concellos pertencentes á Mancomunidade de Ordes, no conxunto da sociedade en xeral e no ámbito administrativo en particular.
O obxectivo principal do Servizo é, xa que logo, incrementar o uso e o prestixio da nosa lingua en todos os ámbitos. As súas funcións están centradas en varios planos diferentes (dinamización e formación sociolingüística e asesoramento lingüístico) e entre elas está a de normalizar e mellorar a imaxe e a calidade lingüística e comunicativa da Administración.
En principio, o programa do SNL estará dirixido basicamente á corrección e actualización da páxina web da Mancomunidade, á organización e impartición de cursos de lingua galega, así como tamén obradoiros de iniciación á lingua e á literatura galegas para nenos e nenas e outras campañas de dinamización social da lingua galega.
Desde o 17 de xuño de 2013, a Mancomunidade de Ordes conta cun Servizo de Normalización Lingüística grazas á subvención concedida pola Xunta de Galicia ao abeiro da Orde do 5 de febreiro de 2013, da Secretaría Xeral de Política Lingüística da Xunta de Galicia, pola que se establecen as bases para a concesión de subvencións ás entidades locais de Galicia para a promoción do uso da lingua galega, e se procede á súa convocatoria.
Polo tanto, o SNL da Mancomunidade de Ordes está á disposición de todos os concellos integrantes dela co obxectivo principal de incrementar o uso e o prestixio da nosa lingua en todos os ámbitos.
As súas funcións están centradas en varios planos diferentes:
Funcións xerais:
- Asesorar á Administración en todo o relacionado coa política lingüística.
- Facer un seguimento do cumprimento da lexislación en materia lingüística por parte da institución e, polo tanto, velar para que se lle garantan os dereitos lingüísticos á cidadanía.
- Colaborar coa Administración para determinar os perfís lingüísticos necesarios en cada un dos postos de traballo e colaborar nas probas e procesos selectivos para que se avalíen convenientemente os coñecementos lingüísticos por parte dos e das aspirantes.
Funcións de dinamización lingüística:
- Planificar, xestionar, executar e avaliar accións a prol da lingua galega seguindo as directrices de política lingüística do organismo.
- Fomentar o uso do galego no ámbito socioeconómico e, en xeral, en todos os sectores de importancia para a súa repercusión social.
- Propoñer programas dinamizadores e actividades concretas que conciencien á sociedade respecto ao uso da lingua galega.
- Propiciar e xestionar liñas de información e axuda dirixidas á rede asociativa, empresarial e educativa para fomentar o uso do galego.
Funcións de formación sociolingüística:
- Planificar, xestionar, coordinar e difundir a realización de cursos de lingua galega, xerais e específicos.
- Difundir materiais que contribúan á tarefa normalizadora: dereitos lingüísticos, lexislación, recursos lingüísticos etc.
- Colaborar no deseño de programas de formación non lingüística para garantir a presenza do galego e de contidos favorables á mellora de actitudes lingüísticas.
Funcións de asesoramento lingüístico:
- Mellorar a calidade lingüística e comunicativa da Administración.
- Normalizar a imaxe lingüística e fixar criterios lingüísticos para a organización.
- Resolver dúbidas lingüísticas.
Ligazóns de interese relacionadas coa lingua e coa normalización
Institucións:
- Secretaría Xeral de Política Lingüística
- Unidade Técnica de Normalización Lingüística da Deputación
- Real Academia Galega
- Centro de Documentación Sociolingüística de Galicia do Consello da Cultura Galega
- Instituto da Lingua Galega
Organizacións e asociacións:
Dicionarios e vocabularios:
- Vocabulario ortográfico da lingua galega
- Dicionario da Real Academia Galega (adaptado á normativa 2003)
- Dicionario de galego de Ir Indo (adaptado á normativa 2003)
- Dicionario castelán-galego Rinoceronte
- Buscatermos
- Portal das palabras (da RAG)
- Tergal (Banco de termos galegos recomendados)
Correctores e tradutores automáticos:
- Corrector Imaxin Galgo 2.0
- Corrector en liña Ortogal
- Tradutor automático Es>GL da Xunta de Galicia
- Tradutor Apertium
Léxico específico:
Mostra de ferramentas dixitais en liña para a promoción do uso do galego:
Manuais de linguaxe administrativa e xurídica:
- Manual de linguaxe administrativa (nivel medio)
- Manual de linguaxe administrativa (nivel superior)
- Manual de linguaxe xurídica (nivel medio)
- Manual de linguaxe xurídica (nivel superior)
Toponimia:
