A cinco minutos en coche da capital de Galicia atopamos unha das máis zonas fluviais máis afamadas da provincia da Coruña: a área recreativa de Chaián, que leva o nome da parroquia de Trazo á que pertence. Ata aquí acoden cada ano multitude de persoas que meredan ou mesmo se bañan nos meses de verán no caudaloso Tambre.
Amplos e ben conservados espazos públicos, canda bosques case virxes, son o sinal de identidade que atrae magneticamente aos viaxeiros. Ademais, no verán e nas fins de semana hai un pequeno quiosco hostaleiro no que tomar algún refrixerio.
