O Monte Xalo, na parroquia cercedense das Encrobas, é o punto de inflexión entre A Mariña coruñesa e a meseta ordense. Con cotas que sobrepasan lixeiramente os 500 metros de altura dende este monte podemos atopar unha das vistas máis espectaculares da Coruña, coa mesmísima Torre de Hércules e o océano moi presentes no decorado.
Sabedores da súa singular beleza, e do peculiar da súa xeografía, a este espazo achéganse cada fin de semana numerosos sendeiristas, ciclistas e incluso amantes da escalada. Os que aquí recalen descubrirán axiña porque este monte aparece no Catálogo das Paisaxes de Galicia.
